Utang na Loob

Umiiyak si Gina sa labas ng bahay dahil napaglitan naman sya ng kanyang tiyahen. Simula nang namatay ang kanyang Ama ay walang araw na hindi sya umiiyak. Maagang namatay ang kanyang Ama dahil may sakit ito sa puso. Naubos ang naipundar nila dahil sa pagpapagamot sa kanyang Ama. Napilitang mangibang bayan ang kanya Ina para maka ahon sila sa problemang nakatambak sa kanila. Bukod kasi sa naubos ang kanilang ari-arian, nalubog din sila sa utang. 

Dahil sa stress, hindi kinaya ng kanyang ina ang trabaho sa ibang bansa kung kayat umuwi ito sa pilipinas. Nagkasakit ito ng malubha dahil sa pangungulila nito sa kanyang asawa. Hindi kumakain at wala lagi sa sarili.Kalaunan ay namatay din ang kanyang ina dahil sa kakulangan sa tulog at ayaw din kumain.

Sa kanyang tiyahen sya tumira, kapatid ng kanyang Ama na ubod ng sama ng ugali. Halos araw-araw ay malupit ito sa kanya. Hindi sya pwedeng makapag pahinga kundi ikukulong sya sa kwarto ng buong araw. Sa kabila ng kahigpitan ng kanyang tiyahen sa kanya ay pinagpapaaral naman sya nito. Nakapagtapus sya sa sekondarya dahil sa kanyang tiyahen. kasalukuyang nag-aaral din sya sa kolehiyo sa kursong Hotel and Restaurant Management.  Isang taon nalang ay mag tatapus na din sya sa kolehiyo.

Maganda si Gina kung kaya’t marami din ang nanliligaw sa kanya ngunit hindi nya ito binibigyan ng pansin sapagkat ang nasa isip nya ay kailangan nya munang magtapus sa pag-aaral. Ngunit sadyang mapagbiro talaga si kupido. May isang lalaking nakapag-patibok ng kanyang puso. Si Jerry, isang masigasig na manliligaw nya na kahit ilang beses nya na binasted ay hindi parin ito tumitigil sa panliligaw . Handa daw itong mag hintay at kahit kaibigan muna ay tatanggapin nya. Mabait at gwapo din si Jerry kung kayat kalaunan ay unti-unti din syang nagkagusto sa binata.

Isang araw, hindi nya napigilan ang kanyang sarili at na-ipagtapat  nya kay Jerry na may gusto na rin sya sa binata. Ngunit humingi sya ng pabor, at yun ay wag muna ipagsabi ang kanilang relasyon sapagkat napakahigpit ng kanyang tiyahen. Ayaw din nya na isipin ng kanyang tiyahen na naglalandi sya na sa halip ay pag-aaral ang atupagin nya. Umayon naman ang binata sa pabor na hiningi ni Gina. Nagkikita sila ng palihim tuwing may pasok. Maganda ang takbo ng relasyon nila dahil pareho silang mapagkumbaba.

Makalipas ang isang taon, dumating na rin ang araw na pinakakahintay nya. Yun ay ang magmamartsa sya sa stage na may tugang suot na kulay itim. Hindi nya mapigilang mapaluha at nilapitan ang kanyang tiyahen sabay nagpasalamat sa lahat ng naitulong nito sa kanya. Ang akala nya ay matatapus na ang kanyang paghihirap sa kanyang tiyahen. Yun pala ay umpisa palamang ng kalbaryo ng kanyang buhay. Hindi sya pwedeng umalis sa puder ng kanyang tyahen hanggat hindi pa sya pinapayagan na umalis.

Dahil dito, napilitan sya na sundin ang kagustuhan ng kanyang tiyahen. Halos walang pinagkaiba ang higpit ng kanyang tiyahen sa kanya noong nag aaral pa lamang sya at ngayun na nag tatrabaho na sya. Pag-uwi nya ay sya parin gagawa ng gawaing bahay. Hindi rin sya pwedeng makipag relasyon muna sa mga lalaki hanggat hindi pumapayag ang tyahen nya. Kayat patuloy ang palihim na relasyon nilang dalawa ni Jerry.

Isang araw, nakipagkita si Gina sa kanyang palimhin na kasintahan na si Jerry. Hindi nya akalain na may supresa pala sa kanya ang binata. Biglang nag lumohod ito sa kanyang harapan sabay hugot sa bulsa. Binuksan ng binata ang kahon na may singsing sabay sabing

“Gina, Will you Marry me?”, Nagulat si Gina sa sinabi ni Jerry. Halos napatulala ito at matagal ang pag sagot. Naisip nya kasi na hindi pa papayag ang kanyang tiyahen. Ngunit nangibabaw parin ang tuwa nya at naisipang suwayin ang kanyang tiyahen.

“Nasa tamang edad na ako, Nakapagtapus na rin ako ng pag-aaral at may trabaho na rin ako. Siguro panahon naman na ako ang masusunod sa gusto ko.”, bulong ng dalaga sa sarili. Tinanggap ni Gina ang alok ni Jerry. Tuwang tuwa ang binata at nag plano na sabihin ito sa tyahen ni Gina.

Kinabukasan ay nagkita ang dalawa para magpapalam sa tiyahen tungkol sa plano nilang magpapakasal. Pagdating sa bahay ng kanyang tiyahen ay walang pag alinlangan na sinabi ng dalawa ang plano nila. Nagalit at tyahen dahil hindi pa nya gustong mag-asawa si Gina.

“Hoy malandi kang babae ka, hindi ka pa nakapag bayad ng Utang na loob sa lahat ng ginawa ko sayo. Kaya hindi kita papayagang mag-aasawa hanggat hindi ko sinasabi”, Galit na galit na pagtataray ng kanyang tiyahen.

“Tiya, maawa naman po kayu, pagod na po ako. Gusto ko na pong magsarili” , sabi ng dalaga habang umiiyak.

“Hindi pwede! Ikaw lalaki lumayas kana at wag ka na magpapakita sa malandi na to. Kapag hindi ka pa umalis, ipapabugbog kita sa mga tambay dyan sa kanto”. Sabi ng tiyahen na sumisigaw.

Bigla naman umalis ang binata na hindi nagpapa-alam. Habang nag lalakad si Jerry pauwi, nag iisip ito kung papaano nya mababawi si Gina sa tyahen nyang demonyeta. Naisipan nyang itanan ang dalaga, tinawagan nya ito sa cellphone ngunit ang tiyahen nito ang nakasagot. Bigla nyang binaba ang tawag. Inisip nya na puntahan si Gina sa hating gabi upang itanan ito ng palihim. Nagtagumpay naman ang dalawa at pansamantalang natulog silang dalawa sa bahay ng kaibigan ni Jerry. Kinabukasan ay lumuwas ng maynila ang dalawa at nakitira muna sa tiyuhin ni Jerry habang nag hahanap sila ng matutuluyan. Nakahanap din ng trabaho ang magkasintahan dahil pareho itong nakapagtapus sa pag-aaral. Nag pakasal din silang dalawa, biniyayaan ng dalawang makululit na anak at namuhay na masaya.

Ang Kaibigan kong Matalik na kalaban - Chapter 1 (Ang Pakikita)

Nakatakdang lumipad pabalik ng pilipinas si Raphael pagkatapus ng kanyang graduation sa kolehiyo. Sya ay nag tapus sa kursong Business Management sa isang kilalang skwelahan sa New York. Halos labingsiyam na oras ang ginugol nya sa byahe mula sa New York papuntang Pilipinas. Sa Ninoy Aquino Internation Airport sya lalanding at nag pasya na magpahinga muna sa isang Hotel sa Maynila. Kinabukasan ay nag byahe naman sya papuntang General Santos City kung saan sya pinanganak.

Naghanda ang lahat sa kanyang pagdating, sinalubong din sya ng isang banda. Nagalak ang lahat sa pagdating ng senyureto ng kanila lugar. Ang Kanyang Ama ay isang negosyate at nag mamay-ari ng  malawak na lupain. Sa halip na mag saya sa pagdiriwang, sumagi sa kanyang isipan na hanapin ang kanyang kaibigan na matagal nyang hindi nakakausap. Pumunta sya sa bahay ng kanyang kaibigan ngunit nalaman nya sa mga magulang nito na pumunta sya sa Maynila para makipagsapalaran upang makapagtapus sa pag-aaral.

Naghanap sya ng paraan para makontak ang kanyang kaibigan na si Jake. Ang kanyang Matalik na kaibigan na utang nya ang kanyan buhay dito. Napatingin sa malayo at malalim ang kanya iniisip dahil naalala nya noong labing-dalawang taong gulang pa lamang sila at naglalaro sa Ilog. Naalala nya sa panahong yun ay malapit na syang malunod dahil natapisok ang kanyan paa at nahulog ito sa tubig. Hindi sya marunong lumangoy ngunit sinagip sya ni Jake dahil bihasa itong sa paglangoy. Si Jake ay mahilig manghuli ng isda sa ilong para may ulam sila pag uwi sa kanilang bahay. Maya't maya, di umanoy napatingin sya sa kanyang cellphone at naisipan nya na baka mahanap nya sa facebook si Jake. Maya’t Maya ay nahanap nga nya ang ang pangalan ng kanyang kaibigan. Nag friend request sya nito at lumipas ang ilang minuto ay nakita nya sa notification nya na request accepted na. Nakipag chat sya at nagkamustahan silang dalawa.

Nalaman nya na nag aaral si Jake sa gabi at sa umaga naman ay nagtatrabaho sya sa isang restaurant bilang isang waiter. Isang taon nalang at mag tatapus na din ito sa kolehiyo sa kursong Business Administration. Matalino at masipag kasi si Jake kaya hindi na nag taka si Raphael na makakapagtapus din si jake sa kolehiyo sa kabila ng kahirapan ng kanilang buhay.

Pagkatapus ng isang taon, nakapag tapus na rin si Jake sa kolehiyo. Pagkatapus ng kanyang graduation ay umuwi sya sa General Santos City. Bandang Alas dose ng tanghali nakatakda ang kanyang byahe sa eroplano papuntang General Santos City. Bandang Alas una ng hapun ay nabalitaan nalang sa telebisyon ni Raphael na may isang eroplanong kumaripas pabagsak. Ang nasabing eroplano ay ang sinasakyan ni Jake papuntang General Santos City.

Dali-daling umalis ng bahay si Raphael papunta sa bahay ng mga magulang ni Jake para ibalita ang nangyari. Nagulat ang mga ito at hindi malaman kung anu ang gagawin. Bumalik si Raphael sa kanilang bahay at naghanap ng impormasyon tungkol sa nangyari. Nag research sya sa internet at nalaman nya doon na may 84 na narescue at dinala sa malapit na ospital sa pinangyarihan.  Samantala 19 na pasahero ang nawawala at 75 ang naitalang patay. Inalam ni Raphael ang ospital na pinagdalhan ng mga na rescue na mga pasahero dahil sa pag-aakalang buhay pa ang kanyang kaibigan.

Nang nalaman ni Raphael ang ospital na pinag dalhan, dali dali itong bumalik sa bahay ng mga magulang ni Jake para isama ang mga ito sa paghahanap. Pagdating sa ospital ay tumungo sila agad sa Information Service ng ospital para hanapin ang pangalan ni Jake ngunit wala silang makuha na impormasyon sapagkat walang dala na mga papeles bilang pagkakilanlan sa mga pasyenteng dinala galing sa trahedya ng eroplano. Inisa-isa nilang ang bawat pasyente para hanapin si Jake. Nahanap nila ito ngunit hindi pa masyadong makapagsalita. Nabali ang paa nito at kailangan na ma semento. Tinatayang dalawang daang libu para sa operasyon. Nanlupaypay ang mga magulang ni Jake sa nalaman na ganun ka laking pera ang kailanganin nila para sa operasyon.

Naisipan ni Raphael na pahiramin muna nya ang kanyang kaibigan ng pera at bayaran nito kapag nakapag tranaho na. Hindi nya rin matiis ang kanyang kaibigan sapagkat utang nya ang buhay nya rito. makalipas ang dalawang buwan mula noong operasyon ni Jake ay naisipan nya na mag hanap ng trabaho. Magaling na din ang kanyang mga paa, nagagalaw nya na ng maayos. Sinabi nya rin kay Raphael ang kanyang plano na mag hanap ng trabaho para kahit papaano ay magagamit nya rin ang kanyang napag-aralan at unti-unti din sya makakabayad sa kanya utang kay Raphael.

Nang nalaman ni Raphael ang balak ni Jake na maghanap ng trabaho ay inalok nya ito para mag trabaho sa kanilang kumpanya. Naisipan nya na pwede itong ilagay sa posisyon na Administrative Officer sa kumpaya nilang Real Estate. Isa sa negosyo ng pamilya nya na pinapaubaya na sa kanya ng kanyang Ama. Tuwang-tuwa si Jake sa sinabi ni Raphael na kunin ito bilang Administrative Officer sa kanyang kumpanya. Inaya nya rin si Jake para mag inuman upang makapag kwentuhan naman silang dalawa. Habang nag iinuman ay nag tuksuhan ang dalawa tungkol sa kanilang karanasan noong Labing dalawang taong gulang palang sila.

END OF FIRST CHAPTER
Thank you for Reading... Please wait for the update of SECOND CHAPTER..see yaahh